ശ്രീ ലക്ഷ്മീ സ്തോത്രം

ക്ഷമസ്വ ഭഗവത്യംബ ക്ഷമാശീലേ പരാത്പരേ
ശുദ്ധസത്ത്വസ്വരൂപേ ച കോപാദിപരിവര്‍ജ്ജിതേ

ഉപമേ സര്‍വസ്വാധീനാം ദേവീനാം ദേവ പൂജ്യതേ
ത്വയാ വിനാ ജഗത്സര്‍വം മ്രുതതുല്യം ച നിഷ്ഫലം

സര്‍വസമ്പത്സ്വരൂപാ ത്വം സര്‍വേഷാം സര്‍വരൂപിണി
രാസേശ്വര്യധീദേവീ ത്വം ത്വത്കലാഃ സര്‍വയോഷിതഃ

കൈലാസേ പാര്‍വതീ ത്വം ച ക്ഷീരോദേ സിന്ധുകന്യകാ
വര്‍ഗേ ചി ഹി സ്വര്‍ഗ്ഗലക്ഷ്മീഃ ത്വം മര്‍ത്യലക്ഷ്മീശ്ച ഭൂതലേ

വൈകുണ്ഠേ ച മഹാലക്ഷ്മീര്‍ദേവ ദേവീ സരസ്വതീ
ഗംഗാ ച തുളസീ ത്വം ച സാവിത്രീ ബ്രഹ്മലോകതഃ

ക്രിഷ്ണാപ്രാണാധിദേവീ ത്വം ഗോലോകേ രാധികാ സ്വയം
രാസേ രാസേശ്വരീ ത്വം ച വ്രുന്ദാവനവനേ വനേ

ക്രിഷ്ണപ്രിയാ ത്വം ഭാണ്ഡീരേ ചന്ദ്രാ ചന്ദനകാനനേ
വിരജാ ചമ്പകവനേ ശതശ്രിംഗേ ച സുന്ദരീ

പത്മാവതീ പത്മവനേ മാലതീ മാലതീവനേ
കുംഭദന്തീ കുന്ദവനേ സുശീലാ കേതകീവനേ

കദംബമാലാ ത്വം ദേവീ കദംബകാനനേ f പി ച
രാജലക്ഷ്മീ രാജഗേഹേ ഗ്രുഹലക്ഷ്മീര്‍ഗ്രുഹേ ഗ്രുഹേ

ഇത്യുക്ത്വാ ദേവതാഃ സര്‍വാ മുനയോ മനവസ്തഥാ
രുരുദുര്‍നമ്രവദനാഃ ശുഷ്കകണ്ഠോഷ്ഠ താലുകാഃ

ഇതി ലക്ഷ്മീസ്തവം പുണ്യം സര്‍വദേവൈഃ ക്രുതം ശുഭം
യഃ പഠേത്പ്രാതരുത്ഥായ സര്‍വൈ സര്‍വം ലഭേത്ധ്രുവം

അഭാര്യോ ലഭതേ ഭാര്യാം വിനീതാം സുസുതാം സതീം
സുശീലാം സുന്ദരീം രമ്യാമതീസുപ്രിയവാദിനീം

പുത്രപൌത്രവതീം ശുദ്ധാംകുലജാം കോമളാം വരാം
അപുത്രോ ലഭതേ പുത്രം വൈഷ്ണവം ചിരഞ്ജീവിനം

പരമൈശ്വര്യയുക്തം ച വിദ്യാവന്തം യശസ്വിനം
ഭ്രഷ്ടരാജ്യോ ലഭേദ്രാജ്യം ഭ്രഷ്ടശ്രീഃ ലഭതേ ശ്രിയം

ഹതബന്ധുര്‍ലഭേത്ബന്ധും ധനഭ്രഷ്ടോ ധനം ലഭേത്
കീര്‍ത്തിഹീനോ ലഭേത്കീര്‍ത്തിം പ്രതിഷ്ഠാം ച ലഭേത്ധ്രുവം

സര്‍വമംഗളമിദം സ്തോത്രം ശോകസന്താപനാശനം
ഹര്‍ഷാനന്ദകരം ശശ്വദ്ധര്‍മ്മമോക്ഷസുഹ്രുത്പദം

ഇതി ശ്രീ ലക്ഷ്മീസ്തോത്രം സമ്പൂര്‍ണ്ണം

ശ്രീ ഗണപതി സ്തോത്രം

മുദാകരാത്തമോദകം സദാ വിമുക്തിസാധകം
കലാധരാവതംസകം വിലാസിലോകരക്ഷകം
അനായകൈകനായകം വിനാശിതേഭദൈത്യകം
നതാശുഭാശുനാശകം നമാമി തം വിനായകം

നതേതരാതിഭീകരം നവോദിതാര്‍ക്കഭാസ്വരം
നമത് സുരാരിനിര്‍ജ്ജരം നതാധികാപദുദ്ധരം
സുരേശ്വരം നിധീശ്വരം ഗജേശ്വരം ഗണേശ്വരം
മഹേശ്വരം തമാശ്രയേ പരാത്പരം നിരന്തരം

സമസ്തലോകശങ്കരം നിരസ്തദൈത്യകുഞ്ജരം
ദരേതരോദരം വരം വരേഭവക്ത്രമക്ഷരം
ക്രിപാകരം ക്ഷമാകരം മുദാകരം യശസ്കരം
നമസ്കരം നമസ്ക്രുതാം നമസ്കരോമി ഭാസ്വരം

അകിഞ്ചനാര്‍ത്തിമാര്‍ജ്ജനം ചിരന്തനോക്തിഭാജനം
പുരാരിപൂര്‍വനന്ദനം സുരാരിഗര്‍വ്വചര്‍വ്വണം
പ്രപഞ്ചനാശഭീഷണം ധനഞ്ജയാദിഭൂഷണം
കപോലദാനവാരിണം ഭജേ പുരാണവാരണം

നിതാന്തകാന്തിദന്തകാന്തമന്തകാന്തമാത്മജം
അചിന്ത്യരൂപമന്തഹീനമന്തരായക്രുന്തനം
ഹ്രുദന്തരേ നിരന്തരം വസന്തമേവ യോഗിനാം
തമേകദന്തമേകമേവ ചിന്തയാമി സന്തതം

മഹാഗണേശപഞ്ചരത്നമാദരേണയാ f ന്വഹം
പ്രജല്പതിപ്രഭാതകേ ഹ്രുദിസ്മരന്‍ ഗണേശ്വരം
അരോഗതാമദോഷതാം സുസാഹിതീം സുപുത്രതാം
സമാഹിതായുരഷ്ടഭൂതിരപ്യുപൈതിസോ f ചിരാത്

ശ്രീമദ് ശങ്കരാചാര്യക്രുത ഗണേശപഞ്ചരത്നസ്തോത്രം സമ്പൂര്‍ണ്ണം

പ്രദോഷസ്തോത്രാഷ്ടകം

സത്യം ബ്രവീമി പരലോകഹിതം ബ്രവീമി
സാരം ബ്രവീമ്യുപനിഷത് ഹ്രുദയം ബ്രവീമി
സംസാരമുല്‍ബണമസാരമവാപ്യ ജന്തോ
സാരോ f യമീശ്വരപദാംബുരുഹസ്യസേവാ

യേനാര്‍ച്ചയന്തിഗിരിശം സമയേപ്രദോഷേ
യേനാര്‍ച്ചിതം ശിവമപിപ്രണമന്ത്യചാന്യേ
ഏതത്കഥാംശ്രുതിപുടൈര്‍ന്ന പിബന്തിമൂഡാ
തേജന്മജന്മസുഭവന്തി നരാദരിദ്രാഃ

യേവൈപ്രദോഷസമയേ പരമേശ്വരസ്യ
കുര്‍വന്ത്യനന്യമനസോംഘ്രി സരോജപൂജാം
നിത്യം പ്രവ്രുദ്ധധനധാന്യകളത്രപുത്ര-
സൌഭാഗ്യസംപദധികാസ്തഇഹൈകലോകേ

കൈലാസശൈലഭുവനേ ത്രിജഗജ്ജനിത്രീം
ഗൌരീംനിവേശ്യകനകാചിതരത്നപീഠേ
ന്രുത്യം വിധാതുമഭിവാഞ്ഛതിശൂലപാണൌ
ദേവാഃ പ്രദോഷസമയേനുഭജന്തിസര്‍വേ

വാക്ദേവീധ്രുതവല്ലകീശതമഖോ
വേണും ദധത്പത്മജ-
സ്താലോന്നിദ്രകരോരമാഭഗവതീ
ഗേയ പ്രയോഗാന്വിതാ
വിഷ്ണുഃ സാന്ദ്രമ്രുദംഗവാദനപടുര്‍-
ദേവാഃ സമന്താസ്ഥിതാഃ
സേവന്തേ തമനു പ്രദോഷസമയേ
ദേവം മ്രുഡാനീപതിം

ഗന്ധര്‍വയക്ഷപതഗോരഗസിദ്ധസാദ്ധ്യ
വിദ്യാധരാമരവരാപ്സരസാംഗണാശ്ച
യേ f ന്യേ ത്രിലോകനിലയാഃ സഹഭൂതവര്‍ഗ്ഗാഃ
പ്രാപ്തേപ്രദോഷസമയേ ഹരപാര്‍ശ്വസംസ്ഥാഃ

അതഃ പ്രദോഷേ ശിവ ഏക ഏവ
പൂജ്യോ f ഥ നാന്യേ ഹരിപത്മജാദ്യാഃ
തസ്മിന്‍ മഹേശേ വിധിനേജ്യമാനേ
സര്‍വേ പ്രസീദന്തി സുരാധിനാഥാഃ

ഏഷ തേ തനയഃ പൂര്‍വ ജന്മനി ബ്രാഹ്മണോത്തമഃ
പ്രതിഗ്രഹൈര്‍വയോനിന്യേ ന ദാനാദ്യൈഃ സുകര്‍മ്മഭിഃ

അതോ ദാരിദ്ര്യമാപന്നഃപുത്രസ്തേ ദ്വിജമാഭിനി
തദ്ദോഷ പരിഹാരാര്‍ത്ഥം ശരണം യാതു ശങ്കരം

ഇതി ശ്രീസ്കന്ദപുരാണേപ്രദോഷസ്തോസ്ത്രാഷ്ടകം

ദേവീകവചസ്തോസ്ത്രം

അസ്യ ശ്രീ ദേവീകവചസ്തോത്ര മഹാമന്ത്രസ്യ,ബ്രഹ്മാ റിഷിഃ അനുഷ്ടുപ്ഛന്ദഃ മഹാലക്ഷ്മീര്‍ദ്ദേവതാ-ഹ്രാം ബീജം.ഹ്രീം ശക്തിഃ ഹ്രൂം കീലകം-
ശ്രീ മഹാലക്ഷ്മീ പ്രസാദസിദ്ധ്യര്‍ത്ഥേജപേ വിനിയോഗഃ-
ഹ്രാം ഇത്യാദി ഷഡംഗന്യാസഃ

ധ്യാനം

സൌവര്‍ണ്ണാംബുജമദ്ധ്യഗാം ത്രിനയനാം സൌദാമി നീസന്നിഭാം
ശംഖം ചക്രവരാഭയഞ്ച ദധതീം ഇന്ദോഃ കലാം ബിഭ്രതീം.
ഗ്രൈവേയാംഗദഹാരകുണ്ഡലധരാം ആഖണ്ഡലാദ്യൈഃ സ്തുതാം
ധ്യായേദ്വിന്ധ്യനിവാസിനീം ശശിമുഖീം പാര്‍ശ്വസ്ഥപഞ്ചാനനാം

ശംഖം ചക്രമഥോ ധനുശ്ച ദധതീം വിഭ്രാമിതാം തര്‍ജ്ജനീം
വാമേ ശക്തിമസിം ശരാന്‍ കലയതീം തിര്‍യ്യക് ത്രിശൂലം ഭുജൈഃ
സന്നദ്ധാം വിവിധായുധൈഃ പരിവ്രിതാം മന്ത്രീം കുമാരിജനൈഃ
ധ്യായേദിഷ്ടവരപ്രദാം ത്രിനയനാം സിംഹാധിരൂഡാം ശിവാം.

വാണീപതേര്‍വ്വരവിമോഹിതദുഷ്ടദൈത്യ-
ദര്‍പ്പാഹിദഷ്ടമനുജാരികുലാഹിതാനി
തച്ഛ്രിംഗമധ്യനടനേന വിഹന്യമാനാ
രക്ഷാം കരോതു മമ സാ ത്രിപുരാധിവാസാ

ശംഖാസി ചാപശരഭിന്നകരാം ത്രിനേത്രാം
തിഗ്മേതരാംശുകലയാ വിലസത് കിരീടാം
സിംഹസ്ഥിതാം സസുരസിദ്ധനുതാം ച ദുര്‍ഗ്ഗാം
ദുര്‍വ്വാനിഭാം ദുരിതവര്‍ഗ്ഗഹാരാം നമാമി.

മാര്‍ക്കണ്ഡേയ ഉവാച

യദ്ഗുഹ്യം പരമം ലോകേ സര്‍വ്വരക്ഷാകരം ന്രുണാം
യന്ന കസ്യചിദാഖ്യാതം തന്മേ ബ്രൂഹി പിതാമഹ.

ബ്രഹ്മോവാച-

അസ്തി ഗുഹ്യതമം വിപ്ര സര്‍വ്വഭൂതോപകാരകം
ദേവ്യാസ്തു കവചം പുണ്യം തച്ഛ്രുണുഷ്വ മഹാമുനേ

പ്രഥമം ശൈലപുത്രീതി ദ്വിതീയം ബ്രഹ്മചാരിണീ
ത്രുതീയം ചന്ദ്രഘണ്ടേതി കൂശ്മാണ്ഡേതി ചതുര്‍ത്ഥകം

പഞ്ചമം സ്കന്ദമേതേതി ഷഷ്ടം കാത്യായനീതി ച
സപ്തമം കാളരാത്രീതി മഹാഗൌരീതി ചാഷ്ടമം

നവമം സിദ്ധിതാ പ്രോക്താ നവദുര്‍ഗ്ഗാഃ പ്രകീര്‍ത്തിതാഃ
ഉക്താന്യേതാനി നാമാനി ബ്രഹ്മണൈവ മഹാത്മനാ

അഗ്നിനാ ദഹ്യമാനസ്തു ശത്രുമദ്ധ്യഗതോ രണേ
വിഷമേ ദുര്‍ഗ്ഗമേ ചൈവ ഭയാര്‍ത്താഃ ശരണം ഗതാഃ

ന തേഷാം ജായതേ കിഞ്ചിത് അശുഭം രണസങ്കടേ
നാപദം തസ്യ പശ്യാമി ശോകദുഃഖഭയം നഹി

യൈസ്തു ഭക്ത്യാ സ്മ്രുതാ നൂനം തേഷാമ്രുദ്ധിഃ പ്രജായതേ
പ്രേതസംസ്ഥാ തു ചാമുണ്ഡാ വാരാഹീ മഹിഷാസനാ

ഐന്ദ്രീ ഗജസമാരൂഡാ വൈഷണവീ ഗരുഡാസനാ
മാഹേശ്വരീ വ്രുഷാരൂഡാ കൌമാരീ ശിഖിവാഹനാ

ബ്രാഹ്മീ ഹംസസമാരൂഡാ സര്‍വ്വാഭരണഭൂഷിതാ
നാനാഭരണശോഭാഡ്യാ നാനാരത്നൈശ്ച ശോഭിതാഃ

ദ്രിശ്യന്തേ രഥമാരൂഡാ ദേവ്യഃ കോപസമന്വിതാഃ
ശംഖം ചക്രം ഗദാം ശക്തിം ഹലം ച മുസലായുധം.

ഖേടകം തോമരം ചൈവ പരശും പാശമേവ ച
കുന്തായുധം ത്രിശൂലം ച ശാര്‍ങ്ഗായുധമനുത്തമം

ദൈത്യാനാം ദേഹനാശായ ഭക്താനമഭയായ ച
ധാരയന്ത്യായുധാനീത്ഥം ദേവാനാം ച ഹിതായ ച

മഹാബലേ മഹോത്സാഹേ മഹാഭയവിനാശിനി
ത്രാഹി മാം ദേവി ദുഷ്പ്രേക്ഷ്യേ ശത്രൂണാം ഭയവര്‍ദ്ധിനി

പ്രാച്യാം രക്ഷതു മാമൈന്ദ്രീ ആഗ്നേയാമഗ്നിദേവതാ
ദക്ഷിണേ ചൈവ വാരാഹീ നൈര്രുത്യാം ഖഡ്ഗധാരിണീ

പ്രതീച്യാം വാരുണീ രക്ഷേത് വായവ്യാം മ്രുഗവാഹിനീ
രക്ഷേദുദീച്യാം കൌബേരി ഈശാന്യാം ശൂലധാരിണീ

ഊര്‍ദ്ധ്വം ബ്രഹ്മാണീ മേ രക്ഷേത് അധസ്താദ്വൈഷ്ണവീ തഥാ
ഏവ ദശ ദിശോ രക്ഷേത് ചാമുണ്ഡാ ശവവാഹനാ

ജയാ മേ ചാഗ്രതഃ പാതു വിജയാ പാതു പ്രുഷ്ഠതഃ
അജിതാ വാമപാര്‍ശ്വേ തു ദക്ഷിണേ ചാ f പരാജിതാ

ശിഖാമുദ്യോതിനീ രക്ഷേത് ഉമാമൂര്‍ദ്ധ്നി വ്യവസ്ഥിതാ
മാലാധരീ ലലാടേ ച ഭ്രൂവൌ രക്ഷേദ്യശസ്വിനീ

നേത്രയോശ്ചിത്രഘണ്ടാ ച യമഘണ്ടാ ച നാസികേ
ശംഖിനീ ചക്ഷുഷോര്‍മ്മധ്യേ ശ്രോത്രയോര്‍വ്വിന്ധ്യവാസിനീ

കപാലൌ കാളികാ രക്ഷേത് കര്‍ണ്ണമൂലേ തു ശാങ്കരീ
നാസികായാം സുഗന്ധാ ച ഉത്തരോഷ്ഠേ ച ചര്‍ച്ചികാ

അധരാ ചാമ്രുതകലാ ജിഹ്വായാം തു സരസ്വതീ
ദന്താന്‍ രക്ഷതു കൌമാരീ കണ്ഠമദ്ധ്യേ തു ചണ്ഡികാ

ഘണ്ടികാം ചിത്രഘണ്ടാ ച മഹാമായ ച താലുകേ
കാമാക്ഷീ ചിബുകം രക്ഷേത് വാചം മേ സര്‍വ്വമങ്ഗളാ

ഗ്രീവായാം ഭദ്രകാളീ ച പ്രുഷ്ഠവംശേ ധനുര്‍ദ്ധരീ
നീലഗ്രീവാ ബഹിഃ കണ്ഠേ നളികാം നളകൂബരീ

ഖഡ്ഗധാരുണ്യുഭൌ സ്കന്ധൌ ബാഹു മേ വജ്രധാരിണീ
ഹസ്തയോര്‍ദ്ദ്ണ്ഡിനീ രക്ഷേത് അംബികാ ചാങ്ഗുലീഷു ച

നഖാന്‍ ശൂലേശ്വരീ രക്ഷേത് കുക്ഷിം രക്ഷേന്നളേശ്വരി
സ്തനൌ രക്ഷേന്മഹാലക്ഷ്മീഃ മനശ്ശോകവിനാശിനീ

ഹ്രുദയം ലളിതാ ദേവീ ഉദരം ശൂലധാരിണീ
നാഭിം ച കാമിനി രക്ഷേത് ഗുഹ്യം ഗുഹ്യേശ്വരീ തഥാ

ഭൂതനാഥാ ച മേഡ്രം മേ ഗുദം മഹിഷവാസിനീ
കട്യാം ഭഗവതീ രക്ഷേത് ജാനുനീ വിന്ധ്യവാസിനീ

ജങ്ഘേ മഹാബലാ പ്രോക്താ ജാനുമദ്ധ്യേ വിനായകീ
ഗുല്‍ഫയോര്‍ന്നാരസിംഹീ ച പാദപ്രുഷ്ഠേ f മിതൌജസീ

പാദാംഗുലീഃ ശ്രീധരീ ച പാദാധസ്തലവാസിനീ
നഖാന്‍ ദംഷ്ട്രാകരാളീ ച കേശാംശ്ചൈവോര്‍ദ്ധ്വകേശിനീ

രോമകൂപാണി കൌബേരി ത്വചം വാഗീശ്വരീ തഥാ
രക്തമജ്ജാവസാമാംസാന്യസ്ഥിമേദാംസി പാര്‍വ്വതീ

ആന്ത്രാണി കാളരാത്രീ തു പിത്തം ച മകുടേശ്വരീ
പത്മാവതീ പത്മകോശേ കഫേ ചൂഡാമണിസ്തഥാ

ജ്വാലാമുഖീ നഖജ്വാലാം അഭേദ്യാ സര്‍വ്വസന്ധിഷു
ശുക്രം ബ്രഹ്മാണി മേ രക്ഷേത് ച്ഛായാം ച്ഛത്രേശ്വരീ തഥാ

അഹങ്കാരം മനോ ബുദ്ധിം രക്ഷേന്മേ ധര്‍മ്മചാരിണീ
പ്രാണാപാനൌ തഥാ വ്യാനം സമാനോദാനമേവ ച

യശഃ കീര്‍ത്തിം ച ലക്ഷ്മീം ച സദാ രക്ഷതു ചക്രിണീ
ഗോത്രമിന്ദ്രാണി മേ രക്ഷേത് പശൂന്‍ മേ രക്ഷ ചണ്ഡികേ

പുത്രാന്‍ രക്ഷേന്മഹാലക്ഷ്മീഃ ഭാര്യാം രക്ഷതു ഭൈരവീ
മാര്‍ഗ്ഗം ക്ഷേമകരീ രക്ഷേത് വിജയാ സര്‍വതഃ സ്ഥിതാ

രക്ഷാഹീനം തു യത് സ്ഥാനം വര്‍ജ്ജിതം കവചേന തു
തത് സര്‍വ്വം രക്ഷ മേ ദേവി ജയന്തീ പാപനാശിനീ

പദമേകം ന ഗച്ഛേത് തു യദിച്ഛേദ് ശുഭമാത്മനഃ
കവചേനാവ്രുതോ നിത്യം യത്ര യത്ര ഹി ഗച്ഛതി

തത്ര തത്രാര്‍ത്ഥലാഭശ്ച വിജയഃ സാര്‍വ്വകാമികഃ
യം യം ചിന്തയതേ കാമം തം തമാപ്നോതി നിശ്ചിതം

പരമൈശ്വര്യമതുലം പ്രാപ്സ്യതേ ഭൂതലേ പുമാന്‍
നിര്‍ഭയോ ജായതേ മര്‍ത്ത്യഃ സംഗ്രാമേഷ്വപരാജിതഃ

ത്രൈലോക്യേ തു ഭവേത് പൂജ്യഃ കവചേനാവ്രുതഃ പുമാന്‍
ഇദം തു ദേവ്യാഃ കവചം ദേവാനാമപി ദുര്‍ല്ലഭം

യഃ പാഠേത്പ്രയതോ നിത്യം ത്രിസന്ധ്യാം ശ്രദ്ധയാ f ന്വിതഃ
ദൈവീ കലാ ഭവേത് തസ്യ ത്രൈലോക്യ ചാപരാജിതഃ

ജീവേദ്വര്‍ഷശതം സാഗ്രം അപമ്രുത്യു വിവര്‍ജ്ജിതഃ
നശ്യന്തി വ്യാധയസ്സര്‍വ്വേ ലൂതാവിസ്ഫോടകാദയഃ

സ്ഥാവരം ജങ്ഗമം ചാപി ക്രുത്രിമം ചാപി യദ്വിഷം
ആഭിചാരാണീ സര്‍വ്വാണി മന്ത്രയന്ത്രാണി ഭൂതലേ

ഭൂചരാഃ ഖേചരാശ്ചൈവ ജലജാശ്ചൌപദേശികാഃ
സഹജാഃ കുലജാ മാലാ ഡാകിനീ ശാകിനീ തഥാ

അന്തരീക്ഷചരാ ഘോരാഃ ഡാകിന്യശ്ച മഹാബലാഃ
ഗ്രഹഭൂതപിശാചാശ്ച യക്ഷഗന്ധര്‍വ്വരാക്ഷസാഃ

ബ്രഹ്മരാക്ഷസവേതാളാഃ കുഷ്മാണ്ഡാ ഭൈരവാദയഃ
നശ്യന്തി ദര്‍ശനാത്തസ്യ കവചേ ഹ്രുദി സംസ്ഥിതേ

മനോന്നതിര്‍ഭവേദ്രാജ്ഞഃ തേജോവ്രുദ്ധികരം പരം
യശസാ വര്‍ദ്ധതേ സോ f പി കീര്‍ത്തിമണ്ഡിതഭൂതലേ

ജപേത് സപ്തശതീം ചണ്ഡീം ക്രുത്വാ തു കവചം പുരാ
യാവദ്ഭൂമണ്ഡലം തിഷ്ഠേത് സശൈലവനകാനനം

താവത്തിഷ്ഠതി മേദിന്യാം സന്തതിഃ പുത്രപൌത്രികീ

ദേഹാന്തേ പരമം സ്ഥാനം യത്സുരൈരപി ദുര്‍ല്ലഭം
പ്രാപ്നോതി പുരുഷോ നിത്യം മഹാമയാ പ്രസാദതഃ

ഇതി കവചം
ഇതി നവാംഗം സമാപ്തം.

ശിവപഞ്ചാക്ഷരസ്തോത്രം

നാഗേന്ദ്രഹാരായ ത്രിലോചനായ
ഭസ്മാംഗരാഗായ മഹേശ്വരായ
നിത്യായ ശുദ്ധായ ദിഗംബരായ
തസ്മൈ നകാരായ നമഃ ശിവായ

മന്ദാകിനി സലിലചന്ദനചര്‍ച്ചിതായ
നന്ദീശ്വരപ്രമഥനാഥ മഹേശ്വരായ
മന്ദാരപുഷ്പബഹുപുഷ്പസുപൂജിതായ
തസ്മൈ മകാരായ നമഃ ശിവായ

ശിവായ ഗൌരീവദനാബ്ജവ്രുന്ദ-
സൂര്യായ ദക്ഷാദ്ധ്വരനാശനായ
ശ്രീനീലകണ്ഠായ വ്രുഷദ്ധ്വജായ
തസ്മൈ ശികാരായ നമഃ ശിവായ

വസിഷ്ഠകുംഭോല്‍ഭവഗൌതമാര്യ‌-
മുനീന്ദ്രദേവാര്‍ച്ചിതശേഖരായ
ചന്ദ്രാര്‍ക്കവൈശ്വാനരലോചനായ
തസ്മൈ വകാരായ നമഃ ശിവായ

യക്ഷസ്വരൂപായ ജടാധരായ
പിനാകഹസ്തായ സനാതനായ
ദിവ്യായ ദേവായ ദിഗംബരായ
തസ്മൈ യകാരായ നമഃ ശിവായ

പഞ്ചാക്ഷരമിദം പുണ്യം യഃ പഠേച്ഛിവസന്നിധൌ
ശിവലോകമവാപ്നോതി ശിവേന സഹ മോദതേ

ശ്രീ ശിവാഷ്ടകം

ജയ ശങ്കര! ശാന്തശശാങ്കരുചേ
രുചിതാര്‍ത്ഥദ സര്‍വദ സര്‍വശുചേ
ശുചിദത്തഗ്രുഹീതമഹോപഹ്രുതേ
ഹ്രുതഭക്തജനോദ്ധതതാപതതേ

തതസര്‍വഹ്രുദംബര വരദനുതേ
നതവ്രിജിനമഹാവനദാഹക്രുതേ
ക്രുതവിവിധചരിത്രതനോ സുതനോ
തനു വിശിഖവിശോഷണധൈര്യനിധേ!

നിധനാദിവിവര്‍ജ്ജിതക്രുതനതിക്രുല്‍-
ക്രുതവിഹിതമനോരഥപന്നഗഭ്രുല്‍
നഗഭര്‍ത്ത്രുസുതാര്‍പ്പിതവാമവപുഃ
സ്വവപുഃ പരിപൂരിതസര്‍വജഗല്‍

ത്രിജഗന്മയരൂപ! വിരൂപസുദ്രു-
ഗ്രുഗുദഞ്ചനകിഞ്ചനക്രിദ്ധുതഭുക്
ഭവഭൂതപതേ പ്രമഥൈകപതേ
പതിതേഷ്വതിദത്തകരപ്രസ്രുതേ

പ്രസ്രുതാഖിലഭൂതലസംവരണ-
പ്രണവദ്ധ്വനിസൌധസുധാംശുധര!
ഗിരിരാജകുമാരികയാ പരയാ
പരിതഃ പരിതുഷ്ട! നതോസ്മി! ശിവ!

ശിവ! ദേവ മഹേശ ഗിരീശവിഭോ!
വിഭവപ്രദ ശര്‍വ ശിവേശ മ്രുഡ!
മ്രുഡയോഡുപതീദ്ധ്റജഗത്ത്രിതയം
ക്രുതയന്ത്രണ ഭക്തിവിഘാതക്രുതാം

ന ക്രുതാന്തത ഏഷ ബിഭേമി ഹര
പ്രഹരാശു മമാഘമമോഘമതേ
ന മതാന്തരമന്യമവൈമി ശിവം
ശിവപാദനതേഃ പ്രണതോസ്മി തതഃ

വിതതേത്ര ജഗത്യഖിലാഘഹരം
പരതോഷണമേവ പരം ഗുണവല്‍
ഗുണഹീനമഹീനമഹാവലയം
ലയപാവകമീശ നതോസ്മി തതഃ

ഇതി സ്തുത്വാ മഹാദേവം വിരരാമാംഗിരസ്സുതഃ
വ്യതരച്ച മഹാദേവഃ സ്തുത്യാ തുഷ്ടോ വരാന്‍ ബഹൂന്‍

ചിദംബരാഷ്ടകം

ബ്രഹ്മമുഖാമരവന്ദിതലിംഗം
ജന്മജരാമരണാന്തകലിംഗം
കര്‍മ്മനിവാരണകൌശലലിംഗം
തന്‍മ്രിദു പാതു ചിദംബരലിംഗം

കല്പകമൂലപ്രതിഷ്ഠിതലിംഗം
ദര്‍പ്പകനാശയുധിഷ്ഠിരലിംഗം
കുപ്രക്രിതിപ്രകരാന്തകലിംഗം
തന്‍മ്രിദു പാതു ചിദംബരലിംഗം

സ്കന്ദഗണേശ്വരകല്പിതലിംഗം
കിന്നരചാരണഗായകലിംഗം
പന്നഗഭൂഷണപാവനലിംഗം
തന്‍മ്രിദു പാതു ചിദംബരലിംഗം

സാംബസദാശിവശങ്കരലിംഗം
കാമ്യവരപ്രദകോമളലിംഗം
സാമ്യവിഹീനസുമാനസലിംഗം
തന്‍മ്രിദു പാതു ചിദംബരലിംഗം

കലിമലകാനനപാവകലിംഗം
സലിലതരംഗവിഭൂഷണലിംഗം
പലിതപതംഗപ്രദീപകലിംഗം
തന്‍മ്രിദു പാതു ചിദംബരലിംഗം

അഷ്ടതനുപ്രതിഭാസുരലിംഗം
വിഷ്ടപനാഥവികസ്വരലിംഗം
ശിഷ്ടജനാവനശീലിതലിംഗം
തന്‍മ്രിദു പാതു ചിദംബരലിംഗം

അന്തകമര്‍ദ്ദനബന്ധുര ലിംഗം
ക്രിന്തിതകാമകളേബരലിംഗം
ജന്തുഹ്രിദിസ്ഥിതജീവകലിംഗം
തന്‍മ്രിദു പാതു ചിദംബരലിംഗം

പുഷ്ടധിയസ്സുചിദംബരലിംഗം
ദ്രിഷ്ടമിദം മനസാനുപഠന്തി
അഷ്ടകമേതദവാങ്മനസീയം
അഷ്ടതനും പ്രതി യാന്തി നരാസ്തേ

ശിവ സഹസ്രനാമസ്തോത്രം

ഓം സ്ഥിരഃ സ്ഥാണുഃ പ്രഭുര്‍ഭീമഃ പ്രവരോ വരദോ വരഃ
സര്‍വാത്മാ സര്‍വവിഖ്യാതഃ സര്‍വഃ സര്‍വകരോ ഭവഃ

ജടീ ചര്‍മ്മീ ശിഖണ്ഡീ ച സര്‍വാംഗഃ സര്‍വഭാവനഃ
ഹരശ്ച ഹരിണാക്ഷശ്ച സര്‍വഭൂതഹരഃ പ്രഭുഃ

പ്രവ്രിത്തിശ്ച നിവ്രിത്തിശ്ച നിയതഃ ശാശ്വതോ ധ്രുവഃ
ശ്മശാനവാസീ ഭഗവാന്‍ ഖചരോ ഗോചരോ f ര്‍ദ്ദനഃ

അഭിവാദ്യോ മഹാകര്‍മ്മാ തപസ്വീ ഭൂതഭാവനഃ
ഉന്മത്തവേഷപ്രച്ഛന്നഃ സര്‍വ്വലോകപ്രജാപതിഃ

മഹാരൂപോ മഹാകായോ വ്രുഷരൂപോ മഹായശാഃ
മഹാത്മാ സര്‍വ്വഭൂതാത്മാ വിശ്വരൂപോ മഹാഹനുഃ

ലോകപാലോ f ന്തര്‍ഹിതാത്മാ പ്രസാദോ ഹയഗര്‍ദ്ദഭിഃ
പവിത്രഞ്ച മഹാംശ്ചൈവ നിയമോ നിയമാശ്രിതഃ

സര്‍വ്വകര്‍മ്മാസ്വയംഭൂത ആദിരാദികരോ നിധിഃ
സഹസ്രാക്ഷോ വിശാലാക്ഷഃ സോമോ നക്ഷത്രസാധകഃ

ചന്ദ്രഃ സൂര്യഃ ശനിഃ കേതുര്‍ഗ്രഹോഗ്രഹപതിര്‍വ്വരഃ
അത്രിരത്ര്യാനമസ്കര്‍ത്താ മ്രുഗബാണാര്‍പ്പണോ f നഘഃ

മഹാതപാ ഘോരതപാ അദീനോ ദീനസാധകഃ
സംവത്സരകരോ മന്ത്രഃ പ്രമാണം പരമം തപഃ

യോഗീ യോജ്യോ മഹാബീജോ മഹാരേതാ മഹാബലഃ
സുവര്‍ണ്ണരേതാഃ സര്‍വ്വജ്ഞഃ സുബീജോ ബീജവാഹനഃ

ദശബാഹുസ്ത്വ f നിമിഷോ നീലകണ്ഠ ഉമാപതിഃ
വിശ്വരൂപഃ സ്വയംശ്രേഷ്ഠോ ബലവീരോ f ബലോ ഗണഃ

ഗണകര്‍ത്താ ഗണപതിര്‍ദ്ദിഗ്വാസാഃ കാമ ഏവ ച
മന്ത്രവിത് പരമോ മന്ത്രഃ സര്‍വ്വഭാവകരോ ഹരഃ

കമണ്ഡലുധരോ ധന്വീ ബാണഹസ്തഃ കപാലവാന്‍
അശനീ ശതഘ്നീ ഖഡ്ഗീ പട്ടിശീ ചായുധീ മഹാന്‍

സ്രുവഹസ്തഃ സുരൂപശ്ച തേജസ്തേജസ്കരോ നിധിഃ
ഉഷ്ണീഷീ ച സുവക്ത്രശ്ച ഉദഗ്രോ വിനതസ്തഥാ

ദീര്‍ഘശ്ച ഹരികേശശ്ച സുതീര്‍ത്ഥഃ ക്രിഷ്ണ ഏവ ച
സ്രുഗാലരൂപഃ സിദ്ധാര്‍ത്ഥോ മുണ്ഡഃ സര്‍വ്വശുഭങ്കരഃ

അജശ്ച ബഹുരൂപശ്ച ഗന്ധധാരീ കപര്‍ദ്ദ്യപി
ഊര്‍ദ്ധ്വരേതാ ഊര്‍ദ്ധ്വലിംഗ ഊര്‍ദ്ധ്വശായീ നഭസ്ഥലഃ

ത്രിജടീ ചീരവാസാശ്ച രുദ്രഃ സേനാപതിര്‍വ്വിഭുഃ
അഹശ്ചരോ നക്തഞ്ചരസ്തിഗ്മമന്യ സുവര്‍ച്ചസഃ

ഗജഹാ ദൈത്യഹാ കാലോ ലോകധാതാ ഗുണാകരഃ
സിംഹശാര്‍ദ്ദൂലരൂപശ്ച ആര്‍ദ്രചര്‍മ്മാംബരാവ്രുതഃ

കാലയോഗീ മഹാനാദഃ സര്‍വ്വകാമശ്ചതുഷ്പഥഃ
നിശാചരഃ പ്രേതചാരീ ഭൂതചാരീ മഹേശ്വരഃ

ബഹുഭൂതോ ബഹുധരഃ സ്വര്‍ഭാനുരമിതോ ഗതിഃ
ന്രിത്യപ്രിയോ നിത്യനര്‍ത്തോ നര്‍ത്തകഃ സര്‍വ്വലാലസഃ

ഘോരോ മഹാതപാഃ പാശോ നിത്യോ ഗിരിരുഹോ നഭഃ
സഹസ്രഹസ്തോ വിജയോ വ്യവസായോഹ്യതന്ദ്രിതഃ

അധര്‍ഷണോ ധര്‍ഷണാത്മാ യജ്ഞഹാ കാമനാശകഃ
ദക്ഷയാഗാപഹാരീ ച സുസഹോ മദ്ധ്യമസ്തഥാ

തേജോപഹാരീ ബലഹാ മുദിതോf ര്‍ത്ഥോf ജിതോ f വരഃ
ഗംഭീരഘോഷോ ഗംഭീരോ ഗംഭീരബലവാഹനഃ

ന്യഗ്രോധരൂപോ ന്യഗ്രോധോ വ്രുക്ഷകര്‍ണ്ണസ്ഥിതിര്‍വ്വിഭുഃ
സുതീക്ഷ്ണദശനശ്ചൈവ മഹാകായോ മഹാനനഃ

വിഷ്വക്സേനോ ഹരിര്‍യജ്ഞഃ സംയുഗാപീഡവാഹനഃ
തീക്ഷ്ണതാപശ്ച ഹര്യശ്വഃ സഹായഃ കര്‍മ്മകാലവിത്

വിഷ്ണുപ്രസാദിതോ യജ്ഞഃ സമുദ്രോ ബഡവാമുഖഃ
ഹുതാശനസഹായശ്ച പ്രശാന്താത്മാ ഹുതാശനഃ

ഉഗ്രതേജാ മഹാതേജാ ജന്യോ വിജയകാലവിത്
ജ്യോതിഷാമയനം സിദ്ധിഃ സര്‍വ്വവിഗ്രഹ ഏവ ച

ശിഖീ മുണ്ഡീ ജടീ ജ്വാലീ മൂര്‍ത്തിജോ മൂര്‍ദ്ധഗോ ബലീ
വേണവീ പണവീ താളീ ഖലീ കാലകടങ്കടഃ

നക്ഷത്രവിഗ്രഹമതിര്‍ഗ്ഗുണബുദ്ധിര്‍ല്ലയോ f ഗമഃ
പ്രജാപതിര്‍വ്വിശ്വബാഹുര്‍വ്വിഭാഗസ്സര്‍വ്വഗോ f മുഖഃ

വിമോചനസ്സുസരണോ ഹിരണ്യകവചോദ്ഭവഃ
മേഡ്രജോ ബലചാരി ച മഹീചാരീ സ്രുതസ്തഥാ

സര്‍വ്വതുര്യനിനാദീ ച സര്‍വ്വതോദ്യപരിഗ്രഹഃ
വ്യാളരൂപോ ഗുഹാവാസീ ഗുഹോ മാലീ തരംഗവിത്

ത്രിദശസ്ത്രികാലദ്രിക് കര്‍മ്മസര്‍വ്വബന്ധവിമോചനഃ
ബന്ധനസ്ത്വസുരേന്ദ്രാണാം യുധി ശത്രുവിനാശനഃ

സാംഖ്യപ്രസാദോ ദുര്‍വ്വാസാ സര്‍വ്വസാധുനിഷേവിതഃ
പ്രസ്കന്ദനോ വിഭാഗജ്ഞോ അതുല്യോ യജ്ഞഭാഗവിത്

സര്‍വ്വവാസസ്സര്‍വചാരീ ദുര്‍വ്വാസാ വാസവോ f മരഃ
ഹൈമോ ഹേമകരോ f യജ്ഞഃ സര്‍വ്വധാരീ ധരോത്തമഃ

ലോഹിതാക്ഷോ മഹാക്ഷശ്ച വിജയാക്ഷോ വിശാരദഃ
സംഗ്രഹോ നിഗ്രഹഃ കര്‍ത്താ സര്‍പ്പചീരനിവാസനഃ

മുഖ്യോ f മുഖ്യശ്ച ദേഹശ്ച കാഹളീസ്സര്‍വ്വകാമദഃ
സര്‍വ്വകാലപ്രസാദശ്ച സുബലോ ബലരൂപധ്രുത്

സര്‍വ്വകാമവരശ്ചൈവ സര്‍വ്വദഃ സര്‍വ്വതോമുഖഃ
ആകാശനിര്‍വിരൂപശ്ച നിപാതീ ഹ്യവശഃ ഖഗഃ

രൌദ്രരൂപോf0ശുരാദിത്യോ ബഹുരശ്മിഃ സുവര്‍ച്ചസീ
വസുവേഗോ മഹാവേഗോ മനോവേഗോ നിശാചരഃ

സര്‍വ്വവാസീ ശ്രിയാവാസീ ഉപദേശകരോf കരഃ
മുനിരാത്മനിരാലോകഃ സംഭഗ്നശ്ച സഹസ്രദഃ

പക്ഷീ ച പക്ഷരൂപശ്ച അതിദീപ്തോ വിശാംപതിഃ
ഉന്മാദോ മദനഃ കാമോ ഹ്യശ്വത്ഥോ f ര്‍ത്ഥകരോ യശഃ

വാമദേവശ്ച വാമശ്ച പ്രാഗ്ദക്ഷിണശ്ച വാമനഃ
സിദ്ധയോഗീ മഹര്‍ഷിശ്ച സിദ്ധാര്‍ത്ഥഃ സിദ്ധസാധകഃ

ഭിക്ഷുശ്ച ഭിക്ഷുരൂപശ്ച വിപണോ മ്രിദുരവ്യയഃ
മഹാസേനോ വിശാഖശ്ച ഷഷ്ടിഭാഗോ ഗവാംപതിഃ

വജ്രഹസ്തശ്ച വിഷ്കംഭീ‍ ചമൂസ്തംഭന ഏവ ച
വ്രുത്താവ്രുത്തകരസ്താലോ മധുര്‍മ്മധുകലോചനഃ

വാചസ്പത്യോ വാജസനോ നിത്യമാശ്രമപൂജിതഃ
ബ്രഹ്മചാരീ ലോകചാരീ സര്‍വ്വചാരീ വിചാരവിത്

ഈശാന ഈശ്വരഃ കാലോ നിശാചാരീ പിനാകവാന്‍
നിമിത്തസ്ഥോ നിമിത്തഞ്ച നന്ദിര്‍ന്നന്ദികരോ ഹരിഃ

നന്ദീശ്വരശ്ച നന്ദീ ച നന്ദനോ നന്ദിവര്‍ദ്ധനഃ
ഭഗഹാരീ നിഹന്താ ച കാലോ ബ്രഹ്മാ പിതാമഹഃ

ചതുര്‍മ്മുഖോ മഹാലിംഗശ്ചാരുലിംഗസ്തഥൈവ ച
ലിംഗാദ്ധ്യക്ഷഃ സുരാദ്ധ്യക്ഷോ യോഗാദ്ധ്യക്ഷോ യുഗാവഹഃ

ബീജാദ്ധ്യക്ഷോ ബീജകര്‍ത്താ അദ്ധ്യാത്മാനുഗതോ ബലഃ
ഇതിഹാസഃ സങ്കല്പശ്ച ഗൌതമോ f ഥ നിശാകരഃ

ദംഭോഹ്യദംഭോ വൈദംഭോ വശ്യോ വശകരഃ കലിഃ
ലോകകര്‍ത്താ പശുപതിഃ മഹാകര്‍ത്താ ഹ്യനൌഷധഃ

അക്ഷരം പരമം ബ്രഹ്മ ബലവച്ഛക്ര ഏവ ച
നീതിര്‍ഹ്യനീതിഃ ശുദ്ധാത്മാ ശുദ്ധോ മാന്യോ ഗതാഗതഃ

ബഹുപ്രസാദഃ സുസ്വപ്നോ ദര്‍പ്പണോf ഥത്വമിത്രജിത്
വേദകാരോ മന്ത്രകാരോ വിദ്വാന്‍ സമരമര്‍ദ്ദനഃ

മഹാമേഘനിവാസീ ച മഹാഘോരോ വശീകരഃ
അഗ്നിജ്വാലോ മഹാജ്വാലോ ഹ്യതിധൂമ്രോഹുതോ ഹവിഃ

വ്രുഷണഃ ശങ്കരോ നിത്യം വര്‍ച്ചസ്വീ ധൂമകേതനഃ
നീലസ്ത്വഥാംഗലുബ്ധശ്ച ശോഭനോ നിരവഗ്രഹഃ


സ്വസ്തിദഃ സ്വസ്തിഭാവശ്ച ഭാഗീ ഭാഗകരോ ലഘുഃ
ഉത്സംഗശ്ച മഹാംഗശ്ച മഹാഗര്‍ഭപരായണഃ

ക്രിഷ്ണവര്‍ണ്ണഃ സുവര്‍ണ്ണശ്ച ഇന്ദ്രിയം സര്‍വ്വദേഹിനാം
മഹാപാദോ മഹാഹസ്തോ മഹാകായോ മഹായശാഃ

മഹാമൂര്‍ദ്ധാ മഹാമാത്രോ മഹാനേത്രോ നിശാലയഃ
മഹാന്തകോ മഹാകര്‍ണ്ണോ മഹോഷ്ഠശ്ച മഹാഹനുഃ

മഹാനാസോ മഹാകംബുഃ മഹാഗ്രീവഃ ശ്മശാനഭാക്
മഹാവക്ഷാ മഹോരസ്കോ ഹ്യന്തരാത്മാ മ്രുഗാലയഃ

ലംബനോ ലംബിതോഷ്ഠശ്ച മഹാമായഃ പയോനിധിഃ
മഹാദന്തോ മഹാദംഷ്ട്രോ മഹാജിഹ്വോ മഹാമുഖഃ

മഹാനഖോ മഹാരോമാ മഹാകേശോ മഹജടഃ
പ്രസന്നശ്ച പ്രസാദശ്ച പ്രത്യയോ ഗിരിസാധനഃ

സ്നേഹനോ f സ്നേഹനശ്ചൈവ അജിതശ്ച മഹാമുനിഃ
വ്രുക്ഷാകാരോ വ്രുക്ഷകേതുരനലോ വായുവാഹനഃ

ഗണ്ഡലീ മേരുധാമാ ച ദേവാധിപതിരേവ ച
അഥര്‍വ്വശീര്‍ഷഃ സാമാസ്യറിക് സഹസ്രാമിതേക്ഷണഃ

യജുഃ പാദഭുജോ ഗുഹ്യഃ പ്രകാശോ ജംഗമസ്തഥാ
അമോഘാര്‍ത്ഥഃ പ്രസാദശ്ച അഭിഗമ്യഃ സുദര്‍ശനഃ

ഉപകാരഃ പ്രിയഃ സര്‍വ്വഃ കനകഃ കാഞ്ചനച്ഛവിഃ
നാഭിര്‍ന്നന്ദികരോ ഭാവഃ പുഷ്കരസ്ഥപതിഃ സ്ഥിരഃ

ദ്വാദശസ്ത്രാസനശ്ചാദ്യോ യജ്ഞോ യജ്ഞസമാഹിതഃ
നക്തം കലിശ്ച കാലശ്ച മകരഃ കാലപൂജിതഃ

സഗണോ ഗണകാരശ്ച ഭൂതവാഹനസാരഥിഃ
ഭസ്മശയോ ഭസ്മഗോപ്താ ഭസ്മഭൂതസ്തരുര്‍ഗ്ഗണഃ

ലോകപാലസ്തഥാ fലോകോ മഹാത്മാ സര്‍വ്വപൂജിതഃ
ശുക്ലസ്ത്രിശുക്ലസമ്പന്നഃ ശുചിര്‍ഭൂതനിഷേവിതഃ

ആശ്രമസ്ഥഃ ക്രിയാവസ്ഥോ വിശ്വകര്‍മ്മമതിര്‍വ്വരഃ
വിശാലശാഖസ്താമ്രോഷ്ഠോ ഹ്യംബുജാലഃ സുനിശ്ചലഃ

കപിലഃ കപിശഃ ശുക്ല ആയുശ്ചൈവ പരോ f പര
ഗന്ധര്‍വ്വോഹ്യദിതിസ്താര്‍ക്ഷ്യഃ സുവിജ്ഞേയഃ സുശാരദഃ

പരശ്വധായുധോ ദേവോഹ്യനുകാരീ സുബാന്ധവഃ
തുംബവീണോ മഹാക്രോധ ഊര്‍ദ്ധ്വരേതാ ജലേശയഃ

ഉഗ്രോ വംശകരോ വംശോ വംശനാദോഹ്യനിന്ദിതഃ
സര്‍വ്വാംഗരൂപോ മായാവീ സുഹ്രുദോഹ്യനിലോf നലഃ

ബന്ധനോ ബന്ധകര്‍ത്താ ച സുബന്ധന വിമോചനഃ
സയജ്ഞാരിഃ സകാമാരിര്‍മ്മഹാദംഷ്ട്രോ മഹായുധഃ

ബഹുധാ നിന്ദിതഃ സര്‍വ്വഃ ശങ്കരഃ ശങ്കരോf ധനഃ
അമരേശോ മഹാദേവോ വിശ്വദേവഃ സുരാരിഹാ

അഹിര്‍ബ്ബുദ്ധ്ന്യോf നിലാഭശ്ചചേകിതാനോഹവിസ്തഥാ
അജൈകപാച്ച കാപാലീ ത്രിശങ്കുരജിതഃ ശിവഃ

ധന്വന്തരിര്‍ദ്ധൂമകേതുഃ സ്കന്ദോ വൈശ്രവണസ്തഥാ
ധാതാ ശക്രശ്ച വിഷ്ണുശ്ച മിത്രസ്ത്വഷ്ടാ ധ്രുവോ ധരഃ

പ്രഭാവഃ സര്‍വഗോ വായുരര്യമാ സവിതാ രവിഃ
ഉഷംഗുശ്ച വിധാതാ ച മാന്ധാതാ ഭൂതഭാവനഃ

വിഭുര്‍വര്‍ണ്ണവിഭാവീ ച സര്‍വ്വകാമഗുണാവഹഃ
പത്മനാഭോമഹാഗര്‍ഭശ്ചന്ദ്രവക്ത്രോ f നിലോ f നലഃ

ബലവാംശ്ചോപശാന്തശ്ച പുരാണഃ പുണ്യചഞ്ചുരീ
കുരുകര്‍ത്താ കുരുവാസീ കുരുഭൂതോ ഗുണൌഷധഃ

സര്‍വ്വാശയോ ദര്‍ഭചാരീ സര്‍വേഷാം പ്രാണിനാംപതിഃ
ദേവദേവഃ സുഖാസക്തഃ സദസത്സര്‍വ്വരത്നവിത്

കൈലാസഗിരിവാസീ ച ഹിമവദ്ഗിരിസംശ്രയഃ
കൂലഹാരീ കൂലകര്‍ത്താ ബഹുവിദ്യോ ബഹുപ്രദഃ

വണിജോ വര്‍ദ്ധകീ വ്രുക്ഷോ ബകുളശ്ചന്ദനച്ഛദഃ
സാരഗ്രീവോ മഹാജത്രുരലോലശ്ച മഹൌഷധഃ

സിദ്ധാര്‍ത്ഥകാരീ സിദ്ധാര്‍ത്ഥശ്ചന്ദോ വ്യാകരണോത്തരഃ
സിംഹനാദഃ സിംഹദംഷ്ട്രഃ സിംഹഗഃ സിംഹവാഹനഃ

പ്രഭാവാത്മാ ജഗത്കാലസ്ഥാലോ ലോകഹിതസ്തരുഃ
സാരംഗോ നവചക്രാംഗഃ കേതുമാലീ സുഭാവനഃ

ഭൂതാലയോ ഭൂതപതിരഹോരാത്രമനിന്ദിതഃ
വാഹിതാ സര്‍വഭൂതാനാം നിലയശ്ച വിഭുര്‍ഭവഃ

അമോഘഃ സംയതോ ഹ്യശ്വോ ഭോജനഃ പ്രാണധാരണഃ
ധ്രിതിമാന്‍ മതിമാന്‍ ദക്ഷഃ സത്ക്രുതശ്ച യുഗാധിപഃ

ഗോപാലിര്‍ഗ്ഗോപതിര്‍ഗ്രാമോ ഗോചര്‍മ്മവസനോ ഹരിഃ
ഹിരണ്യബാഹുശ്ച തഥാ ഗുഹാപാലഃ പ്രവേശിനാം

പ്രക്രുഷ്ടാരിര്‍മ്മഹാഹര്‍ഷോ ജിതകാമോ ജിതേന്ദ്രിയഃ
ഗാന്ധാരശ്ച സുവാസശ്ച തപഃസക്തോ രതിര്‍ന്നരഃ

മഹാഗീതോ മഹന്രിത്യോ ഹ്യപ്സരോഗണസേവിതഃ
മഹാകേതുര്‍മ്മഹാധാതുര്‍ന്നൈകസാനുചരശ്ചലഃ

ആവേദനീയ ആദേശഃ സര്‍വഗന്ധസുഖാവഹഃ
തോരണസ്താരണോ വാതഃ പരിധി പതിഖേചരഃ

സംയോഗോ വര്‍ദ്ധനോ വ്രുദ്ധോ ഹ്യതിവ്രുദ്ധോ ഗുണാധികഃ
നിത്യ ആത്മസഹായശ്ച ദേവാസുരപതിഃ പതിഃ

യുക്തശ്ച യുക്തബാഹുശ്ച ദേവോ ദിവി സുപര്‍വണഃ
ആഷാഡശ്ച സുഷാഡശ്ച ധ്രുവോഥ ഹരിണോ ഹരഃ

വപുരാവര്‍ത്തമാനേഭ്യോ വസുശ്രേഷ്ഠോ മഹാപഥഃ
ശിരോഹാരി വിമര്‍ശശ്ച സര്‍വലക്ഷണലക്ഷിതഃ

അക്ഷശ്ച രഥയോഗീ ച സര്‍വയോഗീ മഹാബലഃ
സമാമ്നായോ f സമാമ്നായസ്തീര്‍ത്ഥദേവോ മഹാരഥഃ

നിര്‍ജ്ജീവോ ജീവനോ മന്ത്രഃ ശുഭാക്ഷോ ബഹുകര്‍ക്കശഃ
രത്നപ്രഭൂതോ രത്നാംഗോ മഹാര്‍ണ്ണവനിപാതവിദ്

മൂലം വിശാലോ ഹ്യമ്രുതോ വ്യക്താവ്യക്തസ്തപോനിധിഃ
ആരോഹണോധിരോഹശ്ച ശീലധാരീ മഹായശാഃ

സേനാകല്പോ മഹാകല്പോ യോഗോ യുഗകരോ ഹരിഃ
യുഗരൂപോ മഹാരൂപോ മഹാനാഗഹനോ വധഃ

ന്യായനിര്‍വ്വപണഃ പാദഃ പണ്ഡിതോഹ്യചലോപമഃ
ബഹുമാലോ മഹാമാല ശശീഹരസുലോചനഃ

വിസ്താരോ ലവണഃ കൂപസ്ത്രിയുഗഃ സഫലോദയഃ
ത്രിലോചനോ വിഷണ്ണാംഗോ മണിവിദ്ധോ ജടാധരഃ

ബിന്ദുര്‍വ്വിസര്‍ഗ്ഗഃ സുമുഖഃ ശരഃ സര്‍വ്വായുധഃ സഹഃ
നിവേദനഃ സുഖാജാതഃ സുഗന്ധാരോ മഹാധനുഃ

ഗന്ധപാലീ ച ഭഗവാനുത്ഥാനഃ സര്‍വ്വകര്‍മ്മണാം
മന്ഥാനോ ബഹുലോ വായുഃ സകലഃ സര്‍വ്വലോചനഃ

തലസ്ഥാലഃ കരസ്ഥാലീ ഊര്‍ദ്ധ്വസംഹനനോ മഹാന്‍
ഛത്രംസുച്ഛത്രോ വിഖ്യാതോ ലോകഃ സര്‍വ്വാശ്രയഃ ക്രമഃ

മുണ്ഡോ വിരൂപോ വിക്രുതോ ദണ്ഡീ കുണ്ഡീ വികുര്‍വ്വണഃ
ഹര്യക്ഷഃ കകുഭോ വജ്രീ ശതജിഹ്വഃ സഹസ്രപാത്

സഹസ്രമൂര്‍ദ്ധാ ദേവേന്ദ്രഃ സര്‍വ്വദേവമയോഗുരുഃ
സഹസ്രബാഹുഃ സര്‍വ്വാംഗഃ ശരണ്യംസര്‍വ്വലോകക്രുത്

പവിത്രം ത്രികകുന്മന്ത്രഃ കനിഷ്ഠഃ ക്രിഷ്ണപിംഗളഃ
ബ്രഹ്മദണ്ഡവിനിര്‍മ്മാതാ ശതഘ്നീപാശശക്തിമാന്‍

പത്മഗര്‍ഭോ മഹാഗര്‍ഭോ ബ്രഹ്മഗര്‍ഭോ ജലോല്‍ഭവഃ
ഗഭസ്തിര്‍ബ്രഹ്മക്രുത് ബ്രഹ്മീബ്രഹ്മവിത് ബ്രാഹ്മണോഗതിഃ

അനന്തരൂപോ നൈകാത്മാതിഗന്മതേജാഃ സ്വയംഭുവഃ
ഊര്‍ദ്ധ്വഗാത്മാപശുപതിഃ വാതരംഹാ മനോജവഃ

ചന്ദനീ പത്മനാളാഗ്രഃ സുരഭ്യുത്തരണോ നരഃ
കര്‍ണ്ണികാരമഹാസ്രഗ്വീ നീലമൌലിഃ പിനാകധ്രുത്

ഉമാപതിരുമാകാന്തോ ജാഹ്നവീധ്രുദുമാധവഃ
വരോ വരാഹോ വരദോ വരേണ്യഃ സുമഹാസ്വനഃ

മഹാപ്രസാദോ ദമനഃ ശത്രുഹാ ശ്വേതപിംഗളഃ
പീതാത്മാ പരമാത്മാ ച പ്രയതാത്മാ പ്രധാനധ്രുത്

സര്‍വ്വപാര്‍ശ്വമുഖസ്ത്ര്യക്ഷോ ധര്‍മ്മസാധാരണോ വരഃ
ചരാചരാത്മാസൂക്ഷ്മാത്മാ അമ്രുതോ ഗോവ്രുഷേശ്വരഃ

സാദ്ധ്യര്‍ഷിര്‍വ്വസുരാദിത്യോവിവസ്വാന്‍സവിതാf മ്രുതഃ
വ്യാസഃ സര്‍ഗ്ഗഃ സുസംക്ഷേപോ വിസ്തരഃ പര്യയോ നരഃ

റിതുഃ സംവത്സരോ മാസഃ പക്ഷഃ സംഖ്യാസമാപനഃ
കലാഃ കാഷ്ഠാ ലവാമാത്രാ മുഹൂര്‍ത്താഹഃക്ഷപാഃക്ഷണാഃ

വിശ്വക്ഷേത്രംപ്രജാബീജം ലിംഗമാദ്യസ്സുനിര്‍ഗ്ഗമഃ
സദസദ് വ്യക്തമവ്യക്തംപിതാ മാതാ പിതാമഹഃ

സ്വര്‍ഗ്ഗദ്വാരം പ്രജാദ്വാരം മോക്ഷദ്വാരം ത്രിവിഷ്ടപം
നിര്‍വ്വാണം ഹ്ലാദനശ്ചൈവ ബ്രഹ്മലോകഃ പരാ ഗതിഃ

ദേവാസുരവിനിര്‍മ്മാതാ ദേവാസുരപരായണഃ
ദേവാസുരഗുരുര്‍ദ്ദേവോ ദേവാസുരനമസ്ക്രുതഃ

ദേവാസുരമഹാമാത്രോ ദേവാസുരഗണാശ്രയ
ദേവാസുരഗണാദ്ധ്യക്ഷോ ദേവാസുരഗണാഗ്രണീ

ദേവാദി ദേവോ ദേവര്‍ഷിദ്ദേവാസുരവരപ്രദഃ
ദേവാസുരേശ്വരോ വിശ്വോ ദേവാസുരമഹേശ്വരഃ

സര്‍വ്വദേവമയോf ചിന്ത്യോ ദേവതാത്മാfത്മസംഭവഃ
ഉദ്ഭിത്ത്റിവിക്രമോ വൈദ്യോവിരജോനീരജോ f മരഃ

ഈഡ്യോ ഹസ്തീശ്വരോ വ്യാഘ്രോ ദേവസിംഹോനരര്‍ഷഭഃ
വിബുധോf ഗ്രവരഃ സൂക്ഷ്മഃ സര്‍വ്വദേവസ്തപോമയഃ

സുയുക്തഃ ശോഭനോ വജ്രീ പ്രാസാനാം പ്രഭവോf വ്യയഃ
ഗുഹഃ കാന്തോ നിജഃ സര്‍ഗ്ഗഃ പവിത്രം സര്‍വ്വപാവനഃ

ശ്രിംഗീ ശ്രിംഗപ്രിയോ ബഭ്രൂ രാജരാജോ നിരാമയഃ
അഭിരാമഃ സുരഗണോ വിരാമഃ സര്‍വ്വസാധനഃ

ലലാടാക്ഷോ വിശ്വദേവോ ഹരിണോ ബ്രഹ്മവര്‍ച്ചസഃ
സ്ഥാവരാണാം പതിശ്ചൈവ നിയമേന്ദ്രിയവര്‍ദ്ധനഃ

സിദ്ധാര്‍ത്ഥഃ സിദ്ധഭൂതാര്‍ത്ഥോ f ചിന്ത്യസ്സത്യവ്രതഃ ശുചിഃ
വ്രതാധിപഃ പരം ബ്രഹ്മ ഭക്താനാം പരമാഗതിഃ

വിമുക്തോ മുക്തതേജാശ്ച ശ്രീമാന്‍ ശ്രീവര്‍ദ്ധനോ ജഗത്

ഇതി നാമ്നാമഷ്ടാധികം ശതകം സമാപ്തം


യഥാ പ്രധാനം ഭഗവാനിതി ഭക്ത്യാസ്തുതോ മയാ
യന്ന ബ്രഹ്മാദയോ ദേവാ വിദുസ്തത്വേന നര്‍ഷയഃ

സ്തോതവ്യമര്‍ച്ച്യം വന്ദ്യഞ്ച കസ്തോഷ്യതി ജഗല്‍പതിം
ഭക്ത്യാ ത്വേവം പുരസ്ക്രിത്യാ മയാ യജ്ഞപതിര്‍വ്വിഭുഃ

തതോഭ്യനുജ്ഞാം സംപ്രാപ്യസ്തുതോ മതിമതാം വരഃ
ശിവമേഭിഃ സ്തുവന്‍ദേവം നാമഭിഃ പുഷ്ടിവര്‍ദ്ധനൈഃ

നിത്യയുക്തഃ ശുചിര്‍ഭക്തഃ പ്രാപ്നോത്യാത്മാനമാത്മനാ
ഏതദ്ധി പരമം ബ്രഹ്മ പരം ബ്രഹ്മാധിഗച്ഛതി

റിഷയശ്ചൈവ ദേവാശ്ച സ്തുവന്ത്യേതേന തത്പരം
സ്തൂയമാനോ മഹാദേവസ്തുഷ്യതേ നിയതാത്മഭിഃ

ഭക്താനുകമ്പീ ഭഗവാനാത്മസംസ്ഥാകരോ വിഭുഃ
തഥൈവ ച മനുഷ്യേഷു യേ മനുഷ്യാഃ പ്രധാനതഃ

ആസ്തികാഃ ശ്രദ്ധധാനാശ്ച ബഹുഭിര്‍ജ്ജന്മഭിസ്തവൈഃ
ഭക്ത്യാ ഹ്യനന്യമീശാനം പരം ദേവം സനാതനം

കര്‍മ്മണാ മനസാ വാചാ ഭാവേനാമിതതേജസഃ
ശയാനാ ജാഗ്രമാണാശ്ച വ്രജന്നുപവിശംസ്തഥാ

ഉന്മിഷന്നിമിഷംശ്ചൈവചിന്തയന്തഃ പുനഃ പുനഃ
ശ്രുണ്വന്തഃ ശ്രാവയന്തശ്ച കഥയന്തശ്ച തേ ഭവം

സ്തുവന്തഃ സ്തൂയമാനശ്ച തുഷ്യന്തി ച രമന്തി ച
ജന്മകോടി സഹസ്രേഷു നാനാസംസാരയോനിഷു

ജന്തോര്‍വ്വിഗതപാപസ്യ ഭവേ ഭക്തി പ്രജായതേഃ
ഉത്പന്നാ ച ഭവേ ഭക്തിരനന്യാ സര്‍വ്വഭാവതഃ

ഭാവിനഃ കാരണേചാസ്യ സര്‍വ്വയുക്തസ്യ സര്‍വ്വഥാ
ഏതദ്ദേവേഷു ദുഷ്പ്രാപം മനുഷ്യേഷു ന ലഭ്യതേ

നിര്‍വിഘ്നാ നിശ്ചലാ രുദ്രേ ഭക്തിരവ്യഭിചാരിണീ
തസ്യൈവ ച പ്രസാദേന ഭക്തിരുത്പദ്യതേ ന്രുണാം

യേന യാന്തി പരാം സിദ്ധിം തല്‍ഭാഗവതചേതസഃ
യേ സര്‍വ്വഭാവാനുഗതാഃ പ്രപദ്യന്തേ മഹേശ്വരം

പ്രപന്നവത്സലോ ദേവഃ സംസാരാര്‍ത്താന്‍ സമുദ്ധരേത്
ഏവമന്യേ വികുര്‍വ്വന്തി ദേവാസ്സംസാരമോചനം

മനുഷ്യാണാമ്രുതേ ദേവം നാന്യാ ശക്തിസ്തപോബലം
ഇതി തേനേന്ദ്രകല്പേന ഭഗവാന്‍ സദസത്പതിഃ

ക്രുത്തിവാസാ സ്തുതഃ ക്രിഷ്ണഃ തണ്ഡിനാ ശുഭബുദ്ധിനാ
സ്തവമേതം ഭഗവതോ ബ്രഹ്മാ സ്വയമധാരയത്

ഗീയതേ ച സ ബുദ്ധ്യേത ബ്രഹ്മാ ശങ്കരസന്നിധൌ
ഇദംപുണ്യം പവിത്രഞ്ച സര്‍വ്വദാ പാപനാശനം

യോഗദം മോക്ഷദഞ്ചൈവ സ്വര്‍ഗ്ഗദം തോഷദം തഥാ
ഏവമേതത് പഠന്തേ യ ഏകഭക്ത്യാതു ശങ്കരം

യാ ഗതിഃ സാംഖ്യയോഗാനാം വ്രജന്ത്യേതാം ഗതിം തദാ
സ്തവമേതം പ്രയത്നേന സദാ രുദ്രസ്യ സന്നിധൌ

അബ്ദമേകം ചരേത് ഭക്തഃ പ്രാപ്നയാദീപ്സിതം ഫലം
ഏതദ്രഹസ്യം പരമം ബ്രഹ്മണോ ഹ്രുദി സംസ്ഥിതം

ബ്രഹ്മാ പ്രോവാച ശക്രായ ശക്രഃ പ്രോവാച മ്രുത്യവേ
മ്രുത്യുഃ പ്രോവാച രുദ്രേഭ്യോ രുദ്രേഭ്യസ്തണ്ഡിമാഗമത്

മഹതാ തപസാ പ്രാപ്തസ്തണ്ഡിനാ ബ്രഹ്മസദ്മനി
തണ്ഡിഃ പ്രോവാച ശുക്രായ ഗൌതമായ ച ഭാര്‍ഗ്ഗവഃ

വൈവസ്വതായ മനവേ ഗൌതമഃ പ്രാഹ മാധവ
നാരായണായ സാദ്ധ്യായ സമാധിഷ്ഠായ ധീമതേ

യമായ പ്രാഹ ഭഗവാന്‍ സാദ്ധ്യോ നാരായണോച്യുത
നാചികേതായ ഭഗവാനാഹ വൈവസ്വതോയമഃ

മാര്‍ക്കണ്ഡേയായവാര്‍ഷ്ണേയ നാചികേതോഭ്യഭാഷത
മാര്‍ക്കണ്ഡേയാന്മയാ പ്രാപ്തോ നിയമേന ജനാര്‍ദ്ദന

തവാപ്യഹമമിത്രഘ്നസ്തവം ദദ്യാം ഹ്യവിശ്രുതം
സ്വര്‍ഗ്ഗമാരോഗ്യമായുഷ്യം ധന്യം വേദേന സമ്മിതം

നാസ്യ വിഘ്നം വികുര്‍വ്വന്തി ദാനവാ യക്ഷരാക്ഷസാഃ
പിശാചാ യാതുധാനാ വാ ഗുഹ്യകാ ഭുജഗാ അപി

യഃ പഠേത ശുചിഃ പാര്‍ത്ഥ ബ്രഹ്മചാരീ ജിതേന്ദ്രിയഃ
അഭഗ്നയോഗോ വര്‍ഷന്തു സോf ശ്വമേധഫലം ലഭേത്

ഇതി ശ്രീ മഹാഭാരതേ അനുശാസനപര്‍വ്വണീ മഹാദേവ സഹസ്രനാമസ്തോസ്ത്രേ സപ്തദശോദ്ധ്യായഃ

ശ്രീ പരമേശ്വരായ നമഃ ഓം തത് സത്

ലിംഗാഷ്ടകം

ബ്രഹ്മമുരാരി സുരാര്‍ച്ചിതലിംഗം
നിര്‍മ്മലഭാഷിത ശോഭിതലിംഗം
ജന്മജദുഃഖവിനാശകലിംഗം
തല്‍പ്രണമാമി സദാശിവലിംഗം

ദേവമുനി പ്രവരാര്‍ച്ചിതലിംഗം
കാമദഹം കരുണാകരലിംഗം
രാവണദര്‍പ്പവിനാശകലിംഗം
തല്‍പ്രണമാമി സദാശിവലിംഗം

സര്‍വ്വസുഗന്ധിസുലേപിതലിംഗം
ബുദ്ധിവിവര്‍ദ്ധന കാരണലിംഗം
സിദ്ധസുരാസുര വന്ദിതലിംഗം
തല്‍പ്രണമാമി സദാശിവലിംഗം

കനകമഹാമണി ഭൂഷിത ലിംഗം
ഫണിപതിവേഷ്ടിതശോഭിതലിംഗം
ദക്ഷസുയജ്ഞവിനാശകലിംഗം
തല്‍പ്രണമാമി സദാശിവലിംഗം

കുങ്കുമചന്ദന ലേപിതലിംഗം
പങ്കജഹാരസുശോഭിതലിംഗം
സഞ്ചിതപാപ വിനാശകലിംഗം
തല്‍പ്രണമാമി സദാശിവലിംഗം

ദേവഗണാര്‍ച്ചിത സേവിതലിംഗം
ഭാവൈര്‍ഭക്തിഭി രേവചലിംഗം
ദിനകരകോടി പ്രഭാകരലിംഗം
തല്‍പ്രണമാമി സദാശിവലിംഗം

അഷ്ടദലോപരി വേഷ്ടിതലിംഗം
സര്‍വ്വസമുല്‍ഭവകാരണലിംഗം
അഷ്ടദരിദ്രവിനാശകലിംഗം
തല്‍പ്രണമാമി സദാശിവലിംഗം

സുരഗുരുസുരവര പൂജിതലിംഗം
സുരവനപുഷ്പ സദാര്‍ച്ചിതലിംഗം
പരാല്പരം പരമാത്മകലിംഗം
തല്‍പ്രണമാമി സദാശിവലിംഗം

ലിംഗാഷ്ടകമിദം പുണ്യം
യഃ പഠേദ് ശിവസന്നിധൌ
ശിവലോകമവാപ്നോതി
ശിവേന സഹമോദതേ

മധുരാഷ്ടകം

അധരം മധുരം വദനം മധുരം
നയനം മധുരം ഹസിതം മധുരം
ഹ്രുദയം മധുരം ഗമനം മധുരം
മധുരാധിപതേരഖിലം മധുരം

വചനം മധുരം ചരിതം മധുരം
വസനം മധുരം വലിതം മധുരം
ചലിതം മധുരം ഭ്രമിതം മധുരം
മധുരാധിപതേരഖിലം മധുരം

വേണുര്‍ മധുരോ രേണുര്‍ മധുരാഃ
പാണിര്‍ മധുരാഃ പാദൌഃ മധുരൌ
ന്രിത്യം മധുരം സഖ്യം മധുരം
മധുരാധിപതേരഖിലം മധുരം

ഗീതം മധുരം പീതം മധുരം
ഭുക്തം മധുരം സുപ്തം മധുരം
രൂപം മധുരം തിലകം മധുരം
മധുരാധിപതേരഖിലം മധുരം

കരണം മധുരം തരണം മധുരം
ഹരണം മധുരം സ്മരണം മധുരം
വമിതം മധുരം ശമിതം മധുരം
മധുരാധിപതേരഖിലം മധുരം

ഗുഞ്ജാ മധുരാ മാലാ മധുരാ
യമുനാ മധുരാ വീചീ മധുരാ
സലിലം മധുരം കമലം മധുരം
മധുരാധിപതേരഖിലം മധുരം

ഗോപീ മധുരാ ലീലാ മധുരാ
യുക്തം മധുരം ഭുക്തം മധുരം
ദ്രിഷ്ടം മധുരം ശിഷ്ടം മധുരം
മധുരാധിപതേരഖിലം മധുരം

ഗോപാ മധുരാ ഗാവോ മധുരാ
യഷ്ടിര്‍ മധുരാ സ്രിഷ്ടിര്‍ മധുരാ
ദലിതം മധുരം ഫലിതം മധുരം
മധുരാധിപതേരഖിലം മധുരം

മുകുന്ദാഷ്ടകം

കരാരവിന്ദേന പദാരവിന്ദം
മുഖാരവിന്ദേ വിനിവേശയന്തം
വടസ്യ പത്രസ്യപുടേ ശയാനം
ബാലം മുകുന്ദം മനസാ സ്മരാമി

സംഹ്രുത്യലോകാന്‍ വടപത്രമദ്ധ്യേ
ശയാനമാദ്യന്തവിഹീനരൂപം
സര്‍വേശ്വരം സര്‍വഹിതാവതാരം
ബാലം മുകുന്ദം മനസാ സ്മരാമി

ആലോക്യമാതുര്‍മ്മുഖമാദരേണ
സ്തന്യം പിബന്തം സരസീരുഹാക്ഷം
സച്ചിന്മയം ദേവമനന്തരൂപം
ബാലം മുകുന്ദം മനസാ സ്മരാമി

ഇന്ദീവരശ്യാമളകോമളാംഗം
ഇന്ദ്രാദിദേവാര്‍ച്ചിതപാദപത്മം
സന്താനകല്പദ്രുമമാശ്രിതാനാം
ബാലം മുകുന്ദം മനസാ സ്മരാമി

കളിന്ദജാന്തഃ സ്ഥിതകാളിയസ്യ
ഫണാഗ്രരംഗേ നടനപ്രിയം തം
തല്‍പുച്ഛഹസ്തം ശരദിന്ദുവക്ത്രം
ബാലം മുകുന്ദം മനസാ സ്മരാമി

ശക്യേ നിധായാജ്യപയോദധീനി
തിര്യര്‍ ഗതായാം വ്രജനായികായാം
ഭുക്ത്വാ യഥേഷ്ടം കപടേന സുപ്തം
ബാലം മുകുന്ദം മനസാ സ്മരാമി

ലംബാളകം ലംബിതഹാരയഷ്ടിം
ശ്രിംഗാരലീലാങ്കുരദന്തപങ്ക്തിം
ബിംബാധരം ചാരുവിശാലനേത്രം
ബാലം മുകുന്ദം മനസാ സ്മരാമി

ഉലൂഖലേ ബദ്ധമുദാരചൌര്യം
ഉത്തുംഗയുഗ്മാര്‍ജ്ജുനഭംഗലീലം
ഉല്‍ഫുല്ലപത്മായതചാരുനേത്രം
ബാലം മുകുന്ദം മനസാ സ്മരാമി

ഏവം മുകുന്ദാഷ്ടകമാദരേണ
സക്രുദ്പഠേദ്യസ്സ ലഭതേ നിത്യം
ജ്ഞാനപ്രദം പാപഹരം പവിത്രം
ശ്രേയശ്ച വിദ്യാഞ്ച യശശ്ച മുക്തിം

മൂകാംബികാ സ്തോത്രം

അദ്രിനിവാസിനി ദേവി മൂകാംബികേ !
വിദ്യാസ്വരൂപിണി മൂകാംബികേ !
ആത്മപ്രകാശിനീ ദേവി മൂകാംബികേ !
ആത്മാനന്ദപ്രദേ മൂകാംബികേ !

ഇന്ദീവരേക്ഷണേ ഇന്ദുബിംബാനനേ
ഇന്ദുചൂഡ പ്രിയേ! മൂകാംബികേ !
ഈരേഴുലകിനു കാരണഭൂതയായ്
മേവീടുമംബികേ മൂകാംബികേ !

ഉള്ളം തെളിവതിനുള്ളില്‍ വാണീടണ-
മുള്ളനാളൊക്കെയും മൂകാംബികേ !
ഊനം വരുത്തണം രോഗങ്ങള്‍ക്കൊക്കെയും
ദീനദയാനിധേ മൂകാംബികേ !

എന്നെക്കനിവോടെ കാത്തരുളേണമെ-
ന്നംബേ ദയാനിധേ മൂകാംബികേ !
ഏണാങ്കബിംബാനനേ മനോമോഹനേ
മാഹേശ്വരപ്രിയേ മൂകാംബികേ !

ഐഹികസൌഖ്യവും മോക്ഷവും നല്‍കുന്ന
മോഹവിനാശിനീ മൂകാംബികേ !
ഒക്കെയുപേക്ഷിച്ചു നിന്‍പാദപങ്കജം
ചൊല്‍ക്കൊണ്ടു കാണായി മൂകാംബികേ !

ഓതുന്ന വേദപ്പൊരുളായി മേവുന്ന
പാതകനാശിനി മൂകാംബികേ !
ഔഡുപമാലയണിഞ്ഞു വിളങ്ങുന്ന
ദിവ്യജനാര്‍ച്ചിതേ മൂകാംബികേ !

അന്തരമെന്നിയേ ചിന്തിപ്പവര്‍ക്കുള്ള
സന്താപനാശിനീ മൂകാംബികേ !
മൂകാംബികേ ദേവി മൂകാംബികേ ദേവീ !
മൂകാംബികേ ദേവി മൂകാംബികേ !

മഹാലക്ഷ്മ്യഷ്ടകം

നമസ്തേസ്തു മഹാമായേ ശ്രീപീഠേ സുരപൂജിതേ
ശംഖചക്രഗദാഹസ്തേ മഹാലക്ഷ്മീ നമോസ്തുതേ

നമസ്തേ ഗരുഡാരൂഡേ കോലാസുര ഭയങ്കരി
സര്‍വപാപഹരേ ദേവി മഹാലക്ഷ്മീ നമോസ്തുതേ

സര്‍വജ്ഞേ സര്‍വവരദേ സര്‍വദുഷ്ടഭയങ്കരി
സര്‍വദുഃഖഹരേ ദേവി മഹാലക്ഷ്മീ നമോസ്തുതേ

സിദ്ധിബുദ്ധിപ്രദേ ദേവീ ഭുക്തിമുക്തി പ്രദായിനി
മന്ത്രമൂര്‍ത്തേ സദാ ദേവി മഹാലക്ഷ്മീ നമോസ്തുതേ

ആദ്യന്തരഹിതേ ദേവി ആദിശക്തി മഹേശ്വരീ
യോഗജേ യോഗസംഭൂതേ മഹാലക്ഷ്മീ നമോസ്തുതേ

സ്ഥൂല സൂക്ഷ്മ മഹാരൌദ്രേ മഹാശക്തി മഹോദരേ
മഹാപാപഹരേ ദേവി മഹാലക്ഷ്മീ നമോസ്തുതേ

പത്മാസനസ്ഥിതേ ദേവി പരബ്രഹ്മസ്വരൂപിണി
പരമേശി ജഗന്മാതേ മഹാലക്ഷ്മീ നമോസ്തുതേ

ശ്വേതാംബരധരേ ദേവി നാനാലങ്കാരഭൂഷിതേ
ജഗത്സ്ഥിതേ ജഗന്മാതേ മഹാലക്ഷ്മീ നമോസ്തുതേ

മഹാലക്ഷ്മ്യഷ്ടകസ്തോത്രം യഃ പഠേത്ഭക്തിമാന്നരഃ
സര്‍വസിദ്ധിമവാപ്നോതി രാജ്യം പ്രാപ്നോതി സര്‍വദാ

ഏകകാലം പഠേന്നിത്യം മഹാപാപവിനാശനം
ദ്വികാലം യഃ പഠേന്നിത്യം ധനദാന്യംസമന്നിതഃ

ത്രികാലം യഃ പഠേന്നിത്യം മഹാശത്രുവിനാശനം
മഹാലക്ഷ്മീര്‍ഭവേന്നിത്യം പ്രസന്നാ വരദാ ശുഭാ

ഇതി ഇന്ദ്രക്രുതമഹാലക്ഷ്മ്യഷ്ടകം സമ്പൂര്‍ണ്ണം

സങ്കടനാശഗണേശാഷ്ടകം

പ്രണമ്യ ശിരസാ ദേവം ഗൌരീപുത്രം വിനായകം
ഭക്ത്യാവാസം സ്മരേന്നിത്യം ആയുഃകാമാര്‍ത്ഥസിദ്ധയേ

പ്രഥമം വക്രതുണ്ഡം ച ഏകദന്തം ദ്വിതീയകം
ത്രുതീയം ക്രിഷ്ണപിംഗാക്ഷം ഗജവക്ത്രം ചതുര്‍ത്ഥകം

ലംബോദരം പഞ്ചമം ച ഷഷ്ഠം വികടമേവ ച
സപ്തമം വിഘ്നരാജം ച ധൂമ്രവര്‍ണ്ണം തഥാ f ഷ്ടമം

നവമം ഫാലചന്ദ്രം ച ദശമം തു വിനായകം
ഏകാദശം ഗണപതിം ദ്വാദശം തു ഗജാനനം

ദ്വാദശൈതാനി നാമാനി ത്രിസന്ധ്യം യഃ പഠേന്നരഃ
ന ച വിഘ്നഭയം തസ്യ സര്‍വ്വസിദ്ധികരം പരം

വിദ്യാര്‍ത്ഥീ ലഭതേ വിദ്യാം ധനാര്‍ത്ഥീ ലഭതേ ധനം
പുത്രാര്‍ത്ഥീ ലഭതേ പുത്രാന്‍ മോക്ഷാര്‍ത്ഥീമോക്ഷമാപ്നുയാത്

ജപേത് ഗണപതിസ്തോത്രം ഷണ്‍മാസാത്സഫലം ഭജേത്
സംവത്സരേണ സിദ്ധിം ച ലഭതേ നാത്ര സംശയഃ

അഷ്ടാനാം ബ്രാഹ്മണാനാം ച ലിഖിത്വാ യഃ സമര്‍പ്പയേത്
തസ്യ വിദ്യാ ഭവേത്സര്‍വ്വാ ഗണേശസ്യ പ്രസാദതഃ

ശ്രീ ഗണേശാഷ്ടകം

ഏകദന്തം മഹാകായം തപ്തകാഞ്ചനസന്നിഭം
ലംബോദരം വിശാലാക്ഷം വന്ദേ f ഹം ഗണനായകം

മൌഞ്ജീക്രിഷ്ണാജിനധരം നാഗയജ്ഞോപവീതിനം
ബാലേന്ദുവിലാസന്മൌലിം വന്ദേ f ഹം ഗണനായകം

അംബികാഹ്രുദയാനന്ദം മാത്രുഭിഃ പരിപാലിതം
ഭക്തപ്രിയം മദോന്മത്തം വന്ദേ f ഹം ഗണനായകം

ചിത്രരത്നവിചിത്രാംഗം ചിത്രമാലാവിഭൂഷിതം
ചിത്രരൂപധരം ദേവം വന്ദേ f ഹം ഗണനായകം

ഗജവക്ത്രം സുരശ്രേഷ്ഠം കര്‍ണ്ണചാമരഭൂഷിതം
പാശാങ്കുശധരം ദേവം വന്ദേ f ഹം ഗണനായകം

മൂഷികോത്തമമാരുഹ്യ ദേവാസുരമഹാഹവേ
യോദ്ധുകാമം മഹാവീര്യം വന്ദേ f ഹം ഗണനായകം

യക്ഷകിന്നരഗന്ധര്‍വ്വസിദ്ധവിദ്യാധരൈസദാ
സ്തൂയമാനം മഹാത്മാനം വന്ദേ f ഹം ഗണനായകം

സര്‍വ്വവിഘ്നഹരം ദേവം സര്‍വ്വവിഘ്ന വിവര്‍ജ്ജിതം
സര്‍വ്വസിദ്ധിപ്രദാതാരം വന്ദേ f ഹം ഗണനായകം

ഗണാഷ്ടകമിദം പുണ്യം ഭക്തിതോ യഃ പഠേന്നരഃ
വിമുക്തഃ സര്‍വ്വപാപേഭ്യോ രുദ്രലോകം സ ഗച്ഛതി

ഭഗവദ്പ്രാതഃസ്മരണസ്തോത്രം

പ്രാതസ്മരാമി ഹ്രിദി സംസ്ഫുരദാത്മതത്വം
സച്ചില്‍സുഖം പരമഹംസഗതിം തുരീയം
യല്‍ സ്വപ്നജാഗരസുഷുപ്തിമവൈതി നിത്യം
തദ് ബ്രഹ്മ നിഷ്കളമഹം ന ച ഭൂതസംഘഃ

പ്രാതര്‍ഭജാമി ച മനോവചസാമഗമ്യം
വാചോ വിഭാന്തി നിഖിലായദനുഗ്രഹേണ
യം നേതിനേതി വചനൈര്‍ന്നിഗമാ അവോചു-
സ്തം ദേവദേവമജമച്യുതമീശമഗ്ര്യം

പ്രാതര്‍ന്നമാമി തമസഃ പരമര്‍ക്കവര്‍ണ്ണം
പൂര്‍ണ്ണം സനാതനപദം പുരുഷോത്തമാഖ്യം
യസ്മിന്നിദം ജഗദശേഷമശേഷഭൂതൌ
രജ്ജ്വാം ഭുജംഗമ ഇവ പ്രതിഭാസിതം വൈ

ശ്ലോകത്രയമിദം പുണ്യം ലോകത്രയവിഭൂഷണം
പ്രാതഃകാലേ പഠേദ്യസ്തു സ ഗച്ഛേല്‍ പരമംപദം