അമലാ വിശ്വവന്ദ്യാ സാ കമലാകരമാലിനീ
വിമലാഭ്രനിഭാ വോവ്യാല്‍ കമലായാ സരസ്വതീ
വര്‍ണ്ണസംസ്ഥാംഗരൂപാ യാ സ്വര്‍ണ്ണരത്നവിഭൂഷിതാ
നിര്‍ണ്ണയാ ഭാരതീ ശ്വേതവര്‍ണ്ണാ വോവ്യാല്‍ സരസ്വതീ
വരദാഭയരുദ്രാക്ഷ വരപുസ്തകധാരിണീ
സരസാ സാ സരോജത്ഥാ സാരാ വോവ്യാല്‍ സരസ്വതീ
സുന്ദരീ സുമുഖീ പത്മമന്ദിരാ മധുരാ ച സാ
കുന്ദഭാസാ സദാ വോവ്യാദ്വന്ദിതാ യാ സരസ്വതീ
രുദ്രാക്ഷലിപിതാ കുംഭമുദ്രാധ്രുതകരാംബുജാ
ഭദ്രാര്‍ത്ഥദായിനീ സാവ്യാല്‍ ഭദ്രാബ്ജാക്ഷീ സരസ്വതീ
രക്തകൌശേയരത്നാഡ്യാ വ്യക്തഭാഷണഭൂഷണാ
ഭക്തഹ്രുല്‍പത്മസംസ്ഥാ സാ ശക്താ വ്യോവാല്‍ സരസ്വതീ
ചതുര്‍മ്മുഖസ്യ ജായാ യാ ചതുര്‍വേദസ്വരൂപിണീ
ചതുര്‍ഭുജാ ച സാ വോവ്യാച്ചതുര്‍വര്‍ഗ്ഗാ സരസ്വതീ
സര്‍വലോകപ്രപൂജ്യാ യാ പര്‍വചന്ദ്രനിഭാനനാ
സര്‍വജിഹ്വാഗ്രസംസ്ഥാ സാ സദാ വോവ്യാല്‍ സരസ്വതീ
സരസ്വത്യഷ്ടകം നിത്യം സക്രുല്‍ പ്രാതര്‍ജപേന്നരഃ
അജ്ഞൈര്‍വിമുച്യതേ സോയം പ്രാജ്ഞൈരിഷ്ടശ്ച ലഭ്യതേ
Subscribe to:
Post Comments (Atom)
No comments:
Post a Comment